Жартытөбеліктер жылыту маусымына дайындалуда

 Иә, «Қыстың қамын жаз ойла» деген қанатты сөз бар ел арасында. Дегенмен, осы күндері бабалардың сол ескертпелеріне аса құлақ аса бермейтін боп алдық па деп ойлаймын кейде. Олай дейтінім, соңғы бір отыз жылдай уақыт тура бір хакім Абайдың мәшһүр өлеңіндегі көгалды қуып, гөлайттап, Қызықпен жүріп жазды алған. Ыршып жүріп ән салған шырылдауық шегірткеге еліктеп кеткендейміз. Тағы да өзіміздің қазан, қараша айларындағы алғашқы суықпен жағаласып жүріп тұрғын үйлерімізді күрделі жөндеуден өткізуімізді, жаңадан пеш соғуларымызды және отын- су дайындауларымызды ақтап: «Күз кеп қалды- ау, қазекем әрекетке көшіпті ғой» дейтінімізді қайтесіз. Кім біледі, бәлкім біз үшін өмір осындай қарбаластарымен қызық шығар. Әйтеуір, сол тойға да асықпай баратын алаңсыздығымыз шаруамызға бей- жай қарауымызға ұласқан секілді ғой.

 Міне, ауыл жұртының осы бір алаңсыздығынан хабардар аудандық басылым, «Созақ үні» газетінің  жылда аудан жұртшылығын «Ау, ағайын! Жаз бітті, күз келді. Қылышын сүйретіп қыс келе жатыр. Шегірткенің образынан шығып, шаруаңызға көңіл бөліңіз»,- деп ескертіп отыратын әдеті бар. Себебі, аудандық басылымымыз Ахаң айтпақшы, халықтың көзі, құлағы һәм үні ғана емес, жанашыр жолдасы да. Осы себепті де жылыту маусымы жақындағанын ескеріп, әріптестерімізбен кеңесіп, ауыл- ауылдардың қысқа қамы жайлы қысқа хабар дайындауды жөн көрдік.

 Сонымен, жылыту маусымына қатысты алғашқы жылы жаңалықты Жартытөбе ауылдық округінен алдық. Әрине, бұл жағымды жаңалықтың да жаршысы  осы ауыл әкімдігінің бас маманы Келдібеков Мұрат Оралұлы болды. Мұрат Оралұлының айтуынша, Жартытөбелік әлеуметтік жағынан аз қамтылған  30 отбасыға жылу сыйлаған өндірісте істейтін  жомарт жүректі жандар боп шықты. Бұлай дейтінім, «Орталық ӨК» деп аталатын ЖШС- тің қызметкерлері осы ауылдық округке кіретін үш елді мекеннің 30 жанұясына 2 тоннадан қатты отын (көмір) түсіріп беріпті. Сондай- ақ, бұл ЖШС ұжымы жылда жаңа жылдың қарсаңында осы Жартытөбе ауылдық округіне қарасты мектепке дейін білім беретін балабақшалар мен шағын орталық тәрбиеленушілеріне мерекелік сыйлықтар үлестіретін көрінеді. Сонымен қатар, 8 наурыз және 9 мамыр мерекелерінде Жартытөбелік аналар менсоғыс ардагерлерін тиесілі мейрамдарымен құттықтап, сый- сыяпат жасауды әдетке айналдырған екен.

 Шынында да осындай қиын- қыстау сәттерде елмен бірге болып, оларға аз да болса қуаныш сыйлауды адамгершілік демей көріңіз. Әркім өзінің күйін күйттеген мынадай алмағайып заманда еңбектеген баладан еңкейген қарияға дейін көңілін аулауды, онсыз да тағдырдың тауқыметі қысып тұрған шақта әл- ауқаты төмен отбасыларға жылу сыйлауды ерлік емес деп көріңіз. Өйткені, суық күнде даладағы шаруасын тындырып, малын жайғап үйіне кірген ауыл адамы жылы үй, ыстық тамақ, баланың риясыз күлкісінен басқа не істесін.

 Ендеше, сөз соңында Жартытөбелік жерлестерімізге жылу сыйлап жандарын жадыратып жүрген жаны жайсаң, «Орталық ӨК» ЖШС- гі ұжымына алғыстан басқа айтарымыз жоқ. Қазақ айтады осындайда: «Жағың түспей жамандық көрме»,- деп. Мен айтқан болар ем: «Жақтарыңыз түскеннен кейін де жамандық көрмеңіздер»,- деп. Себебі, бұл дүниеде жасаған қайырлы ісіңіздің сауабын көру асыл, сол жағыңыз түскеннен кейін қажет болады.

Данияр Құл- Ахметұлы

Latest news

Өшпес ерлік пен даңқтың иелері Құрметті ардагерлер, Отан қорғаушылар! Қадірлі тыл еңбеккерлері мен жерлестер!

  Сіздерді– 9 мамыр Жеңіс күнімен және 7 мамыр Отан қорғаушылар мерекесімен шын жүректен құттықтаймыз! 9 мамыр бұл – адамзат тарихындағы ең ауыр қантөгіс соғыс...

Көктем көркі-Қызғалдақ

  Әлемде қызғалдақтың 2500-ге тарта түрі бар екен. Қазақстанның далалық аймақта­рында қызғалдақтың 35-ке жуық түрі өседі. Оның 11 түрі эндемикалық болып табылады. Альберт қызғалдағы,...

Ерменбайдың махаббаты (Әңгіме)

   Мектеп бітірген жылы Алматы қаласына жоғары оқу орнына түсу үшін жолға шықтым. Бұрын ауылдан ұзап шықпаған мен бұл оқиға жүрегіме ерекше қуаныш сыйлады....

Ауылым алтын бесігім

Түркістан облысы, Созақ ауданы, Жартытөбе  ауылдық округіне қарасты Жартытөбе, Аққолтық, Бабата елді мекендерінде ауылдық округ әкімі Есенқабыл Болаттың ұйымдастыруымен 2021 жылдың 19-24 сәуірі аралығында...

Related news

Өшпес ерлік пен даңқтың иелері Құрметті ардагерлер, Отан қорғаушылар! Қадірлі тыл еңбеккерлері мен жерлестер!

  Сіздерді– 9 мамыр Жеңіс күнімен және 7 мамыр Отан қорғаушылар мерекесімен шын жүректен құттықтаймыз! 9 мамыр бұл – адамзат тарихындағы ең ауыр қантөгіс соғыс...

Көктем көркі-Қызғалдақ

  Әлемде қызғалдақтың 2500-ге тарта түрі бар екен. Қазақстанның далалық аймақта­рында қызғалдақтың 35-ке жуық түрі өседі. Оның 11 түрі эндемикалық болып табылады. Альберт қызғалдағы,...

Ерменбайдың махаббаты (Әңгіме)

   Мектеп бітірген жылы Алматы қаласына жоғары оқу орнына түсу үшін жолға шықтым. Бұрын ауылдан ұзап шықпаған мен бұл оқиға жүрегіме ерекше қуаныш сыйлады....

Ауылым алтын бесігім

Түркістан облысы, Созақ ауданы, Жартытөбе  ауылдық округіне қарасты Жартытөбе, Аққолтық, Бабата елді мекендерінде ауылдық округ әкімі Есенқабыл Болаттың ұйымдастыруымен 2021 жылдың 19-24 сәуірі аралығында...