«Созақ үні»-халық үні

Биыл бұқаралық ақпараттар құралдары айдынында өзіндік орны бар Созақ аудандық «Созақ үні » қоғамдық-саяси және ақпараттық газетінің алғашқы номерінің жарық көргеніне торқалы 90 жыл толып отыр. Өткен ғасырдың 30 жылы 10-қазан күні «Социалды шаруа» деген атпен алғашқы номері оқырманға жол тартқан болатын. Кейін «Социалистік шаруа», 1959 жылы «Социалистік шаруашылық» деп аты ауыстырылды. 1969 жылдан газетіміз «Молшылық үшін » деген атпен жанымызға жақын болды , ал 2007 жылдан «Теріскей», 2008 жылы газет екі «Молшылық» және «Теріскей» газеттері болып жарық көрді. 2012 жылы екі газет қосылып «Созақ үні» деген атау-фирмамен шығып келеді. 90 жылдық тарихы бар төл басылымымыздың бетінен әлемдегі, елдегі, ауданымыздағы маңызы зор саяси-экономикалық, қоғамдық мәселелер, өңіріміздегі атқарылып жатқан келелі тірліктер, еңбек ардагерлері, оқырмандар шығармашылықтары және де басқа мәселелер туралы ақпараттармен сусындауға болады. Газеттің Директор-Бас редакторы, ҚР Журналистер одағының мүшесі Сәрсенбек Теңізбаев ағамыздың жүйелі жұмысының арқасында газет таралымы 3700 данаға жетіп отыр. Әрине, 50 мыңнан аса халқы бар өндірісті аудан үшін бұл таралым аздық ететіндей. Менің ойымша, әрбір Созақтың шаңырағында Құран кітабы, бір домбыра тұруы және «Созақ үні» газетінің бір данасы апта сайын барып тұруы керек. Талай марқасқалар қызмет атқарған редакция ұжымында кәзіргі таңда «Сен тұр, мен жазайындар» қызмет атқаруда. Сәрсенбек ағамыздың ел ішіндегі әңгімелеріне қызықпау мүмкін емес. Ал өзінде мал дәрігерлік мамандығы болса да журналистика әлемінде оңды-солды құлаштап жүрген ҚР Журналистер одағының мүшесі, ақын, тарихи-зерттеуші, поэзия мен прозаны қатар алып жүрген Мақсат Қарғабай бауырымыздың шығармалары бір төбе.
Ал ҚР Журналистер одағының мүшесі, аудандық «Бақ Нұры» іскер әйелдер қоғамдық ұйымының төрайымы Нұржамал Майусованың жұмысы жайында бір мақала аздық етеді. Беков Данияр бауырымыз елді бірлікке шақыратын дін, ынтымақ мәселесіндегі дәлелді шығармаларын жайбарақат оқу жараса қоймас. Оның мақалаларынан көкейдегі күмәнді болып жүрген сұрақтарыңызға негізді жауаптар табарыңыз сөзсіз.

Газет тілшілері Нұрсұлтан Шертаев пен Біржан Жандәулетовтердің де өз оқырмандары бар, болашағынан үлкен үміт күтіп отырған журналистер. Дизайншы Асқан Бақтыбаев пен терімші Бағила Аязбаевалардың еңбектері аса жауапты. Газеттің тартымды, сапалы әрі қатесіз шығуы осы кісілерге байланысты болғандықтан оларды ел шетін күзеткен «шекарашыларға» теңеуге болар. Газет ұжымы ауданымыздың қоғамдық жұмыстарына белсене атсалысып отырады.

Айтары мол, оқырманы көп қариялық жасқа жетіп отырған сүйікті «Созақ үні» газеті ұжымына шығармашылық табыстар тілейміз. Ұжымдарыңызда бірлік пен береке болып, ел үшін жасап жатқан ерен еңбектеріңіз ешқашан тоқтамасын.
P.S. Менің де журналистикамен қосымша айналысуыма, бір қырымның ашылуына, ҚР Журналистер одағының мүшесі болуыма себепкер болған осы «Созақ үні» газеті еді.

Сержан Бегманұлы, ҚР Журналистер одағының мүшесі.
«Созақ
үні» газетінің меншіктен тыс тілшісі.

Latest news

Өшпес ерлік пен даңқтың иелері Құрметті ардагерлер, Отан қорғаушылар! Қадірлі тыл еңбеккерлері мен жерлестер!

  Сіздерді– 9 мамыр Жеңіс күнімен және 7 мамыр Отан қорғаушылар мерекесімен шын жүректен құттықтаймыз! 9 мамыр бұл – адамзат тарихындағы ең ауыр қантөгіс соғыс...

Көктем көркі-Қызғалдақ

  Әлемде қызғалдақтың 2500-ге тарта түрі бар екен. Қазақстанның далалық аймақта­рында қызғалдақтың 35-ке жуық түрі өседі. Оның 11 түрі эндемикалық болып табылады. Альберт қызғалдағы,...

Ерменбайдың махаббаты (Әңгіме)

   Мектеп бітірген жылы Алматы қаласына жоғары оқу орнына түсу үшін жолға шықтым. Бұрын ауылдан ұзап шықпаған мен бұл оқиға жүрегіме ерекше қуаныш сыйлады....

Ауылым алтын бесігім

Түркістан облысы, Созақ ауданы, Жартытөбе  ауылдық округіне қарасты Жартытөбе, Аққолтық, Бабата елді мекендерінде ауылдық округ әкімі Есенқабыл Болаттың ұйымдастыруымен 2021 жылдың 19-24 сәуірі аралығында...

Related news

Өшпес ерлік пен даңқтың иелері Құрметті ардагерлер, Отан қорғаушылар! Қадірлі тыл еңбеккерлері мен жерлестер!

  Сіздерді– 9 мамыр Жеңіс күнімен және 7 мамыр Отан қорғаушылар мерекесімен шын жүректен құттықтаймыз! 9 мамыр бұл – адамзат тарихындағы ең ауыр қантөгіс соғыс...

Көктем көркі-Қызғалдақ

  Әлемде қызғалдақтың 2500-ге тарта түрі бар екен. Қазақстанның далалық аймақта­рында қызғалдақтың 35-ке жуық түрі өседі. Оның 11 түрі эндемикалық болып табылады. Альберт қызғалдағы,...

Ерменбайдың махаббаты (Әңгіме)

   Мектеп бітірген жылы Алматы қаласына жоғары оқу орнына түсу үшін жолға шықтым. Бұрын ауылдан ұзап шықпаған мен бұл оқиға жүрегіме ерекше қуаныш сыйлады....

Ауылым алтын бесігім

Түркістан облысы, Созақ ауданы, Жартытөбе  ауылдық округіне қарасты Жартытөбе, Аққолтық, Бабата елді мекендерінде ауылдық округ әкімі Есенқабыл Болаттың ұйымдастыруымен 2021 жылдың 19-24 сәуірі аралығында...