Айбынымызды асырған Ата заңымызға- 25 жыл

Қазіргі таңда бейбітшіліктің символындай болған Қазақстан еліміз тәуелсіздігін жариялаған күні- ақ өзін әлемге- демократиялы, құқықтық және зайырлы мемлекет ретінде танытты. Бауырына сан түрлі тағдырлы баршаның баласын басқан киелі жұртымыздағы ынтымақтың басты ұйытқысы- Ата заң. Ата заң бұл біздің азаттығымызды, егеменді ел екенімізді көрсететін басты құжат. Елімізде жасайтын ұлттар мен ұлыстардың асқақ айбыны, арқа сүйер алтын арқауы. Иә, бүгінгі күн егемен елімізде жасап жатқан 130 астам ұлттар мен ұлыстарды, түрлі дін ұстанушыларын айрандай ұйытып отырған бұл ата заңымыздың тамыры әріде жатыр. Ол дүйім  қазақтың мақтанышы Қасым ханның «Қасқа жолы», Есім ханның «Ескі жолы», Тәуке ханның «Жеті жарғысы» деп аталатын ұлы дала заңының негізінде жасалған. Асылында, кез- келген ұлт, мемлекет өзінің тәуелсіздігін, демократиялық құндылықтарын осы негізгі құжат- конституция арқылы айқындайды. Сондай- ақ, бұл құжатта мемлекеттің барлық құрылымдарының, жеке азаматтардың, ұлт пен ұлыстардың, әлеуметтік топтардың мақсаттары, міндеттері, құқықтары көрсетіледі.

Егер тәуелсіздігімізді алған жылдар тарихына үңілсек, алғаш 1993 жылдың 28 қаңтарында қазіргі  Атазаңымыз қабылданып,  қолданысқа енген болатын. Содан араға тура екі жыл салып тағы да толыға түсті. Сөйткен конституциямызға биыл 25 жыл толып отыр. 1995 жылы туған бала 25- ке келді, ер азамат болды. Сол секілді ата заңымыз да 25 жылдан бері тәуелсіз елімізге қызмет етіп келеді.

Елбасы Нұрсұлтан Әбішұлы өзінің «Қазақстан жолы» атты кітабында тәуелсіздікке ие болған Қазақстанның ең басты қадамы Конституцияны қабылдаумен байланысты екенін былай деп атап көрсетті:

«Тәуелсіздігімізді алғаннан кейін бізге бүгінгі өмір шындығымен және алдағы уақытпен бірге қадам басып, өткен ұрпақтың іс- тәжірибесі мен жарқын болашаққа деген сенімді жинақтаған Негізгі заң қажет болды. Тәуелсіз Қазақстанның Конституциясы ашық және демократиялық қоғам орнатудың негізгі ұстанымдарын баянды етуге тиіс болатын».

Міне, сол сарабдал саясаттың арқасында тәуелсіздік жылдарындағы экономикалық және әлеуметтік саладағы дамуға бағытталған реформалардың барлығының жемісті нәтижесінбіз бүгін көріп, сезініп отырмыз. Сондай- ақ, бүгінгі дін саласындағы оң өзгерістерді де Ата заңымызбен байланыстырамыз. Себебі, Ата заң бойынша демократиялық қоғамның бір талабы ретінде әрбір Қазақстан азаматына наным- сенім еркіндігі берілген. Ендеше, еліміз үшін қастерлі боп табылатын Ата заң қабылданған күнді айрықша мереке етіп атап өту және заңдарымызды құрметтеу әрбіріміздің қасиетті борышымыз.

Елбасымыз қадап айтқандай: «конституцияны қатаң ұстану- бұл мемлекеттіліктің табысты дамуының және қоғамдағы азаматтық келісімнің негізі. Ол бойынша өмір сүру- бұл демократияның ең жоғарғы мектебі. Бұл мектептен барлығымыз өтуге тиіспіз. Біздің міндет- конституцияға аса ұқыптылықпен қарау. Өзіміздің елімізді, өзіміздің тарихымызды, өзіміздің жетістіктерімізді қалай құрметтесек, оны да солай аялауымыз керек. Атазаңымызды сыйлай білмесек, оның талаптарын мүлтіксіз орныдай алмасақ, онда қоғамдық келісімге, тәртіпке, бейбітшілік пен тыныштыққа жету мүмкін болмайды, яғни мұндай жағдайда Отанның ырыс- берекелі болашағы туралы айтудың да қажеті жоқ».

Оқыған адамға, әрбір өзін қазақ, қазақстандық сезінетін азаматқа  кәдімгідей ой салып, патриоттығыңды оятатын жүрекжарды сөздер. Ендеше, сол бір кездері өзі кепілдік беріп келген конституциямыз, атазаңымыз жайлы Елбасыдан артып не айта алармыз. Тек тілегім, осы бір дұрыс өмір сүруімізге кепілдік беретін еліміздің басты құжаты өміршең болсыншы!

Данияр Бек

Latest news

ЖЕР МӘСЕЛЕСІ БОЙЫНША

 Үстіміздегі жылдың 30 наурыз күні Сызған, Созақ ауылдық округтері мен Таукент кентінде аудан прокуратурасының прокуроры Б.Бейсембай мен аудан әкімдігінің жер қатынастары бөлімінің маманы Е.Айтжанның...

Карантиндік шектеу шаралары күшейтіледі

Апталық аппарат отырысында облыс әкімі Өмірзақ Шөкеев коронавирустың таралуына жол бермеу үшін Түркістан облысында карантиндік шектеу шараларын күшейтуді тапсырды. Алдағы мерекелік күндері халықтың шоғырлануына...

Елбасы Ұлттық банк төрағасын қабылдады

Қазақстанның Тұңғыш Президенті Ұлттық банк төрағасы Ерболат Досаевты қабылдады, деп хабарлайды Egemen.kz Елбасының баспасөз қызметіне сілтеме жасап. Кездесуде Нұрсұлтан Назарбаевқа Қазақстан экономикасының 2021 жылғы дамуы жөніндегі...

Темірден түйін түйген

Сызған ауылында туып-өскен Қанаев Жұмағали ағамыз ( бұл кісіні барлығы "Жұман " деп атайды) темірден түйін түйеді. Мектепті бітіргеннен кейін ауылдағы гаражға жұмысқа тұрғаннан...

Related news

ЖЕР МӘСЕЛЕСІ БОЙЫНША

 Үстіміздегі жылдың 30 наурыз күні Сызған, Созақ ауылдық округтері мен Таукент кентінде аудан прокуратурасының прокуроры Б.Бейсембай мен аудан әкімдігінің жер қатынастары бөлімінің маманы Е.Айтжанның...

Карантиндік шектеу шаралары күшейтіледі

Апталық аппарат отырысында облыс әкімі Өмірзақ Шөкеев коронавирустың таралуына жол бермеу үшін Түркістан облысында карантиндік шектеу шараларын күшейтуді тапсырды. Алдағы мерекелік күндері халықтың шоғырлануына...

Елбасы Ұлттық банк төрағасын қабылдады

Қазақстанның Тұңғыш Президенті Ұлттық банк төрағасы Ерболат Досаевты қабылдады, деп хабарлайды Egemen.kz Елбасының баспасөз қызметіне сілтеме жасап. Кездесуде Нұрсұлтан Назарбаевқа Қазақстан экономикасының 2021 жылғы дамуы жөніндегі...

Темірден түйін түйген

Сызған ауылында туып-өскен Қанаев Жұмағали ағамыз ( бұл кісіні барлығы "Жұман " деп атайды) темірден түйін түйеді. Мектепті бітіргеннен кейін ауылдағы гаражға жұмысқа тұрғаннан...